Terra do soños, o espectáculo que Fuxan os Ventos levará ao Auditorio de Galiza os próximos 18 e 19 de outubro e que suporá o regreso aos escenarios do senlleiro grupo galego tras case dúas décadas, contará coas colaboracións de Guadi Galego (Berrogüetto, Nordestinas), Mercedes Peón, Xabier Díaz (Berrogüetto, Nova Galega de Danza), Uxía, Rodrigo Romaní (Milladorio, Lizgairo), Pepe Ferreirós (Milladoiro), a compañía Nova Galega de Danza, Miguel Lustres e Sabela. Xunto con todos eles, o grupo reinterpretará os temas máis emblemáticos do grupo dende unha visión renovada, xa que, amáis das colaboracións mencionadas, Fuxan os Ventos contará co acompañamento dunha banda dirixida por Xosé Lois Romero, artífice tamén dos arranxos instrumentais para este proxecto. Nesa banda atoparanse, ademáis do próprio Xosé Lois Romero ao acordeón, o cuarteto de corda Savia Nova, Simón García ao contrabaixo, Roi Adrio ás percusións, Guillermo Fernández á guitarra e Benjamín Otero ao oboe. As entradas custan 20€. 10€ Estudantes e xubilados. Poden adquirirse no web de Caixa Galicia ou no 902 434443, así como na billeteira do Auditorio nos días previos.(extraido de culturagalega.org mega)
